විදේශ රැකියා ක්ෂේත්‍රය හා කම්කරු ක්ෂේත්‍රය ඩිජිටල්කරණයට ලක්කිරීමට ස්විස්ටර්ලන්තයේ පූර්ණ සහාය ලබාදීමටද එකගතාවය පළව තිබේ.
කම්කරු සහ විදේශ රැකියා අමාත්‍ය මනුෂ නානායක්කාර මහතා සහ ස්විස්ටර්ලන්ත තානාපති Dominik Furgler මහතා අතර 17 දා පැවැති සාකච්ඡාවක දී මෙම එකඟතාවන් පලකර තිබේ.
කම්කරු සහ විදේශ රැකියා අමාත්‍යාංශ විෂය පථය තුළ මේ වසරේදී ක්‍රියාත්මක කිරීමට අපේක්ෂිත වැඩසටහන් වැඩසටහන් පිළිබඳ ස්විස්ටර්ලන්ත තානාපතිවරයා සමග මෙම සාකච්ඡාවේ දී දීර්ඝ ලෙස සාකච්ඡා කර තිබෙන අතර, යෝජිත ඩිජිටල්කරණ සහ සමාජ ආරක්ෂණ වැඩසටහන් සඳහා ස්විස්ටර්ලන්ත අත්දැකීම් ඇසුරෙන් සහාය දීමට හැකි බවත්, තානාපති ක්ෂේත්‍රය ද ඩිජිටල්කරණයට ලක් විය යුතු නව ක්ෂේත්‍රයක් බවත්, මෙරට සිටින ස්විස්ටර්ලන්ත තානාපති Dominik Furgler මහතා මෙහිදී වැඩිදුරටත් සඳහන් කර තිබේ.