ACFEA තොරතුරු මධ්‍යස්ථානය හා වෙබ්අඩවිය කම්කරු හා විදේශ රැකියා ඇමැති මනූෂ නානායක්කාර මහතා අතින් එක්සත් අරාබි එමීර් රාජ්‍යෙය් අජ්මාන් හි දී අද(19) විවෘත විය.
එක්සත් අරාබි එමීර් රාජ්‍යය තුළ සිටින ශ්‍රී ලාංකික රැකියා නියෝජිතවරුන්ගේ සංවිධානය (ACFEA) ඉකුත් දෙසැම්බර් 28 වැනි දා විදේශ සේවා නියුක්ති කාර්යාංශයේ දී අමාත්‍යවරයා සමග ක්ෂේත්‍රෙය් ගැටලු පිළිබඳ සාකච්ඡා කර ඇති අතර, එහි දී වූ එකඟතාවක් මත ජනමාධ්‍ය ආයතන ඇතුළු ඔවුන්ගේ තොරතුරු දැනගැනීමට අවශ්‍ය අය සඳහා පහසුවෙන් ගනුදෙනු කිරීමට මෙම ඔන්ලයින් තොරතුරු මධ්‍යස්ථානය ස්ථාපනය කර ඇත.
මෙම විවෘත කිරීමෙන් පසුව අමාත්‍යවරයා ප්‍රමුඛ නිලධාරී කණ්ඩායම ACFEA සංවිධානයේ සාමාජිකයන් ද මුණ ගැසී සුහද පිළිසඳරක ද නිරත විය. එහි දී ඔවුන් විසින් ඉදිරිපත් කරන ලද ක්ෂේත්‍රයේ ගැටලු කෙරෙහි ද විශේෂ අවධානය යොමු කළේය.
මේ අවස්ථාවට අමාත්‍යවරයා ප්‍රමුඛ ශ්‍රී ලංකා ධූත පිරිස, ඩුබායි හි ශ්‍රී ලංකා කොන්සල් ජනරාල් නලින්ද විජේරත්න මහතා, විදේශ සේවා නියුක්ති කාර්යාංශයේ නිලධාරීන් සහ ACFEA සංවිධානයේ සාමාජිකයන් එක්වූහ.
